Президент Іс басқармасы Инженерлік-техникалық орталығының Стратегиялық дамыту және PR бөлімінің басшысы Нұргүл Сатмағамбетова WITSA Global Awards 2025 халықаралық сыйлығының Best of Country Kazakhstan аталымында жеңімпаз атанды.
Марапаттау бүгін рәсімі Тайбэйде (Тайвань) WITSA Global AI Summit 2025 аясында өтті. Бұл - жасанды интеллект пен цифрлық технологияларға арналған әлемдегі ең ірі форумдардың бірі. Жеңімпазға марапатты Дүниежүзілік ақпараттық технологиялар және қызметтер альянсының (WITSA) төрағасы Дато’ д-р Шон Си табыстады.
«Мен үшін Қазақстанды осындай беделді халықаралық алаңда таныстыру – үлкен мәртебе. Бұл сыйлық алға ұмтылуға, жаңа белестерді бағындыруға шабыт береді», - деді Нұргүл Сатмағамбетова.
WITSA Global Awards - Дүниежүзілік ақпараттық технологиялар және қызметтер альянсы тарапынан тағайындалған АКТ саласындағы беделді халықаралық сыйлығы. Ол жаһандық технологиялық индустрияның дамуына елеулі үлес қосқан тұлғаларға, ұйымдарға және жобаларға беріледі.
