Қазақстан Республикасы Президенті Іс басқармасының «Инженерлік-техникалық орталығы» ШЖҚ РМК Қазақстан Республикасы Бас прокуратурасы жанындағы Құқық қорғау органдары академиясымен өзара ынтымақтастық туралы Меморандумға қол қойды.
Құжат ақпараттық қауіпсіздік пен цифрлық технологиялар саласында серіктестік қатынастарды дамытуға және нығайтуға бағытталған.
Келісім мақсаты ақпараттық технологиялар саласында бірлескен іс-шаралар өткізу, ғылыми және тәжірибелік тәжірибе алмасу, сондай-ақ ақпараттық қауіпсіздікті қамтамасыз ету саласында тиімді шешімдерді арттыруға арналған жаңа цифрлық құралдар мен тәсілдерді дамыту болып табылады.
Тараптар сондай-ақ мамандардың біліктілігін арттыру, цифрлық сауаттылықты дамыту және құқық қолдану тәжірибесіне инновацияларды енгізу бойынша бірлескен бастамаларды жүзеге асыруды жоспарлап отыр.
Қазақстан Республикасы Бас прокуратурасы жанындағы Құқық қорғау органдары академиясы 2015 жылы құрылған және еліміздің құқық қорғау жүйесі үшін кадрлар даярлаудың жетекші білім беру және ғылыми орталығы болып табылады. Академия цифрлық технологияларды белсенді түрде енгізіп, ақпараттық қауіпсіздік мәселелеріне ерекше назар аударады.
