2025 жылы Президент Іс басқармасы Инженерлік-техникалық орталығы атқаратын жұмыстар көлемін ұлғайтты. Есепті кезеңде ИТО мамандары 200-ден астам ұйымға қызмет көрсетіп, шамамен 40 мыңға жуық өтінімді өңдеді.
Салыстырмалы түрде алсақ, 2024 жылы ИТО 193 ұйымға қызмет көрсетіп, 38 176 өтінімді орындады, ал 2023 жылы – 87 ұйымға және 2 406 өтінімге қызмет көрсетті. Соңғы жылдардағы динамика кәсіпорын қызметінің айтарлықтай кеңейгенін және мемлекеттік құрылымдар тарапынан жоғары сапалы техникалық қолдауға сұраныстың өсіп келе жатқанын көрсетеді.
Негізгі өтінім түрлері жабдықты диагностикалау, электрондық өткізу жүйелерін қызмет көрсету, желі мен телефонияға қолжетімділікті қамтамасыз ету, пайдаланушы есептік жазбаларын құру, сондай-ақ ақпараттық жүйелерді сүйемелдеуді қамтиды.
Еске сала кетейік, ПІБ Инженерлік-техникалық орталығы Президент Әкімшілігіне, Президент Іс басқармасына, Үкімет Аппаратына, ПІБ Медициналық орталығына, Конституциялық сотқа, Президент Архивіне және басқа да мемлекеттік органдарға техникалық және ақпараттық қызмет көрсетеді.
