21 ақпан 2026 жылы Қазақстан Республикасы Президенті Іс басқармасының спартакиадасы аясында Іс басқармасы жүйесінің және ведомстволық бағынысты ұйымдар қызметкерлері арасында шаңғы жарысы өтті.
Іс-шара қызметкерлер арасында дене шынықтыруды дамытуға, салауатты өмір салтын насихаттауға және командалық рухты нығайтуға бағытталды.
Жарысқа ҚР Президенті Іс басқармасының Инженерлік-техникалық орталығының қызметкерлері: Олжас Аманбаков (35 жастан жоғары ерлер санаты), сондай-ақ Ғалымжан Әсемханов, Жания Меңлібай, Назерке Қамбарқанова және Дәулет Жұмабаев (35 жасқа дейінгі ерлер мен әйелдер санаты) қатысты.
Жарыс қорытындысы бойынша Инженерлік-техникалық орталықтың қызметкері Назерке Қамбарқанова 35 жасқа дейінгі әйелдер арасында 2-орынға ие болып, жоғары спорттық дайындық деңгейі мен жеңіске деген ұмтылысын көрсетті.
ИТО қызметкерлерінің спорттық іс-шараларға қатысуы корпоративтік мәдениетті дамытуға, салауатты өмір салтын насихаттауға және ұжым ішіндегі командалық өзара іс-қимылды нығайтуға ықпал етеді.
