Қазақстан Республикасы Президенті Іс басқармасында орталық аппарат пен ведомстволық бағынысты ұйымдар қызметкерлері арасында дәстүрлі спартакиада аясында үстел теннисінен жарыс өтті.
Турнирге үстел теннисін сүйетін 14 команда қатысты. Жарыс тартысты әрі қарқынды жағдайда өтіп, қатысушылар жоғары дайындық деңгейін, мықты спорттық рух пен жеңіске деген ұмтылысты көрсетті.
Алдын ала кезеңде командалар топтарға бөлініп, айналмалы жүйе бойынша өзара ойындар өткізді. Топтық кезеңнің қорытындысы бойынша үздік командалар финалдық кезеңге жолдама алып, шешуші кездесулерде турнирдің жеңімпаздары мен жүлдегерлері анықталды.
Жарыста Президент Іс басқармасының Инженерлік-техникалық орталығының атынан Ержан Мұхамедьяров, Бауыржан Мұрат және Оралхан Әлімбаев өнер көрсетті.
Турнир қорытындысы бойынша 14 команда ішінде ИТО құрамасы 5-орынды иеленіп, лайықты нәтиже мен жоғары командалық бірлікті көрсетті.
Инженерлік-техникалық орталық корпоративтік мәдениетті дамытуға, салауатты өмір салтын насихаттауға және қызметкерлер арасындағы командалық өзара іс-қимылды нығайтуға бағытталған бастамаларды жүйелі түрде қолдайды.
