Бүгін Астанада киберқауіпсіздік саласындағы ең ірі халықаралық конференциялардың бірі - KazHackStan 2026 басталды.
Екі күнге созылатын іс-шараға 7 елден 10 мыңға жуық қатысушы және 100-ден астам қазақстандық және шетелдік спикер қатысады. Биылғы конференцияның негізгі тақырыбы - Cyber Resilience, яғни кибертұрақтылық.
Бағдарламада интернет-алаяқтық, дипфейктер, дербес деректердің таралуы және жасанды интеллектке байланысты жаңа киберқауіптер талқыланып, кибершабуылдар мен олардан қорғану әдістері бойынша практикалық көрсетілімдер өтуде.
Конференция аясында 26 сағатқа созылатын CTF-жарыстары өтуде. Оған ҚР ПІБ Инженерлік-техникалық орталығы Ситуациялық орталық басқармасының k қызметкерлері - Дінмұхамед Өмірзақ пен Ерасыл Мәулетханов қатысуда.
Жарыс барысында қатысушылар кибершабуылдарды тойтарып, киберинциденттерді тергеп, түрлі тапсырмаларды орындауда. ️
Сонымен қатар, ИТО мамандары іс-шараға техникалық сүйемелдеу көрсетіп, оның цифрлық инфрақұрылымының тұрақты жұмыс істеуін қамтамасыз етуде.
