Көпшілік алдында сөйлеу және коммуникациялар бойынша сарапшы, бизнес-тренер Меруерт Жүнісбек ИТО басшылығы, құрылымдық бөлімшелердің басшылары, сондай-ақ қызметі адамдармен тікелей өзара іс-қимыл жасауға байланысты call-орталық пен корпоративтік сату бөлімінің қызметкерлері үшін тәжірибелік оқыту өткізді.
Тренинг барысында қатысушылар тиімді келіссөз жүргізушінің 12 негізгі параметрін талдап, ассертивті сын айту әдістерін және команда ішінде, сондай-ақ сыртқы серіктестермен өзара әрекеттесу кезінде жанжалдарды экологиялық тұрғыда шешу техникаларын меңгерді.
Сонымен қатар, басшының эмоционалдық тұрақтылығына ерекше назар аударылды – ойдың айқындығын сақтау, стрессті басқару және шиеленісті келіссөздер жағдайында көшбасшылық ұстанымды сақтай білу дағдылары қарастырылды.
Мұндай оқыту іс-шаралары ИТО-да қызметкерлердің кәсіби құзыреттерін дамыту және командалық жұмыстың тиімділігін арттыру бағытындағы жүйелі жұмыстың аясында өткізіледі.
