Инженерлік-техникалық орталығы Президент Іс Басқармасына қарасты ұйымдар үшін IT-өтінімдерді тіркеу және басқарудың бірыңғай жүйесін енгізеді.
Портал пайдаланушылардың IT-қолдау қызметімен өзара іс-қимылының негізгі орталығына айналады. Оның көмегімен қызметкерлер IT-қызметке өтінім бере алады, техникалық ақаулар туралы хабарлап, білім базасынан қажетті шешімді өз бетінше таба алады.
Порталда өтінімдер веб-интерфейс арқылы ғана емес, қолданыстағы бірыңғай Helpdesk нөмірі және электрондық пошта арқылы да тіркелетін болады.
ITSM әдіснамасын енгізу IT-қызметтерді басқаруды жетілдіруге, олардың қолжетімділігі мен сапасын арттыруға бағытталған ИТО-ның жүйелі жұмысының бір бөлігі болып табылады. Басқару тәсілдері жинақталған тәжірибе, халықаралық практикалар мен стандарттар негізінде қалыптастырылады.
